Аршанскія дэмакраты дапамаглі сям'і Мікалая Разумава
Больш за 20 пакетаў з адзеннем, абуткам, школьнымі прыладамі і цацкамі, а таксама грашовыя сродкі перадалі прадстаўнікі Аршанскай кааліцыі дэмакратычных сіл сям'і Мікалая Разумава. Гэтыя рэчы збіраліся ў Оршы, Віцебску, Мінску, Талачыне, Коханаве і іншых раёнах Беларусі.
Мікалай Разумаў вядомы аршанцам як арганізатар блакады жалезнай дарогі ў Оршы ў 1991 годзе. У лютым 2006 года падчас візіту ў Оршу Аляксандра Мілінкевіча, які на той момант быў кандыдатам у прэзідэнты, Разумаў выступіў з абвінавачваннямі ў адрас Лукашэнкі ў знікненні апазіцыйных палітыкаў. У чэрвені таго ж года ён быў асуджаны судом Аршанскага раёна і горада Оршы да 3-х гадоў абмежавання волі.
Накіравалі жа адбываць пакаранне Разумава толькі ў канцы 2010 года, калі тэрмін даўніны выканання прысуду ўжо скончыўся. Тым не менш, сям'я з 4-ма дзецьмі засталася ў цяжкім матэрыяльным становішчы. У гэтай сітуацыі дапамога аршанскіх дэмакратаў апынулася як нельга дарэчы.
«Праваабарончая хроніка»
