Ваўкавыск: чарговае затрыманне Віталя Гуляка

26 красавіка ў Ваўкавыску нарадам міліцыі зноў быў затрыманы грамадскі актывіст Віталь Гуляк. Гэта адбылося, калі ён расклейваў на рэкламных месцах гораду партрэты палітычных зняволеных. Віталя Гуляка адвезлі ў мясцовы РАУС, дзе ён быў дапытаны начальнікам гарадской міліцыі. Праз некаторы час на прафілактычную гутарку з актывістам з’явіўся прадстаўнік мясцовага КДБ, які палохаў Гуляка крымінальнай адказнасцю за “удзел у масавых несанкцыянаваных акцыях”. Прадставіцца, аднак, прадстаўнік спецслужбаў катэгарычна адмовіўся. Віталь Гуляк, які праз дзве з паловай гадзіны пасля затрымання быў урэшце адпушчаны дамоў, лічыць, што аніводнага артыкулу заканадаўства ён не парушаў, а паводле Канстытуцыі кожны грамадзянін краіны мае права на распаўсюд і атрыманне інфармацыі. 

“Праваабарончая хроніка”