Гарадзенская праваабаронца змагаецца за свае правы

Прадстаўніца БХК Святлана Рудкоўская працягвае змагацца за свае правы. Нагадаем, што пасля кампаніі па выбарах прэзідэнта, калі праваабаронца актыўна займалася назіраннем, яе цягам 5 месяцаў мясцовыя ўлады імкнуцца пазбавіць працы на пасадзе старшыні жыллёвага кааператыву. Службовыя асобы вінавацяць Рудкоўскую ў тым, што яна нібыта не выдала кнігу скаргу і прапановаў па патрабаванні аднаго з жыхароў. На яе быў складзены адміністрацыйны пратакол паводле артыкулу 9.24 КААП Рэспублікі Беларусь. Па ім Рудкоўскай пагражае штраф ад 4 да 10 базавых велічынь. Прайшло ўжо больш месяца як распачалася гэтая справа, якая, на думку праваабаронцаў, мае падтэкст пераследу.

12 траўня Святлана Рудкоўская з пісьмовай скаргай прыйшла на асабісты прыём да намесніка начальніка Гродзенскага абласнога УУС Уладзіміра Сацюка. У скарзе яна звяртае ўвагу на няпраўныя дзеянні работнікаў міліцыі і службовых асобаў. Скарга Рудкоўскай была прынятая, цяпер яе будзе разглядаць адпаведны аддзел абласнога ўпраўлення ўнутраных спраў.

“Праваабарончая хроніка”