Салігорскія блогеры супраць блакіроўкі сайтаў

Салігорцы Павел Батуеў і Аляксей Валабуеў выклалі ў сваіх блогах звароты да аператара мабільнай сувязі і пастаўшчыка паслугаў перадачы дадзеных ЗАТ “БеСТ”, вядомага  пад гандлёвай маркай life:).
Незадаволенасць блогераў была выклікана немагчымасцю патрапіць на папулярныя у Беларусі незалежныя сайты http://charter97.org і http://prokopovi.ch карыстаючыся адпаведнымі паслугамі кампаніі. “Разам з тым гэтыя старонкі можна наведаць праз proxy-серверы і ананімайзеры,” -  сцвярджаецца з звароце.
Блогеры  апелююць да гарантаванага артыкулам 34 Канстытуцыі Рэспублікі Беларусь права на атрыманне інфармацыі і патрабуюць у тэрміновым парадку прадставіць доступ да вышэйадзначаных інтэрнэт-рэсурсаў.

“Праваабарончая хроніка”