Павел Севярынец заўтра падасць касацыйную скаргу

Сустаршыня аргкамітэта па стварэнні партыі «Беларуская хрысціянская дэмакратыя» Павел Севярынец, паведаміў, што касацыйная скарга на рашэнне Заводскага суда Мінска, які прызнаў яго вінаватым у арганізацыі і ўдзеле ў дзеяннях, якія груба парушаюць грамадскі парадак падчас акцыі 19 снежня 2011 г., будзе пададзена 26 траўня.

“Заўтра 10 дзень пасьля прысуду,  згодна з якім мяне асудзілі на тры гады абмежавання волі ў калоніі-пасяленні. Гэта так званая “хімія”,  і з улікам таго, што дзень знаходжання ў СІЗА КДБ лічыцца за два, мне засталося адбыць пад вартай 2 гады, 2 месяцы і некалькі дзён. Скаргу падрыхтаваў і падасць мой адвакат. Што да мяне, то на адмену прысуду я не спадзяюся. Тэарэтычна адмена магчымая, але хутчэй за ўсе прысуд застанецца ў сіле,”—распавёў Павал Севярынец.

Цяпер ён знаходзіцца ў Віцебску. На разгляд касацыйнай скаргі адводзіцца месяц, і потым, калі прысуд не будзе зменены, будзе вызначана месца, дзе Павал Севярынец мусіць адбываць пакаранне.

“Праваабарончая хроніка”