Жыхарам Гомеля нагадалі пра палітзняволеных

Актывісты грамадзянскай кампаніі «Гавары праўду» нагадалі жыхарам Гомеля пра палітзняволеных — раніцай 26 мая ў розных месцах Савецкага раёна абласнога цэнтра з'явіліся фотаздымкі Уладзіміра Някляева і Андрэя Саннікава. «Мы хацелі нагадаць жыхарам нашага гораду пра людзей, якія былі асуджаны па палітычных матывах і зараз знаходзяцца ў турме ці адбываюць тэрмін пакарання з адтэрміноўкай, ці ўмоўны тэрмін. Як бы ні было, суд назваў іх злачынцамі, а гэта не так. Мы выказваем такім чынам сваю салідарнасць з нявінна пацярпелымі людзьмі. Людзі, якія галасавалі за альтэрнатыўных кандыдатаў, павінны ведаць, што зараз экс-кандыдаты пакараны рэжымам», - патлумачыў адзін з удзельнікаў акцыі.

“Праваабарончая хроніка”