Затрыманы юрыст царквы “Новае жыццё”

Cупрацоўнікі міліцыі Цэнтральнага раёна Мінска 26 траўня затрымалі юрыста пратэстанцкай суполкі “Новае жыццё” Сяргея Луканіна.

Вернік паведаміў “Народнай Волі”, што ў цэнтры сталіцы каля рэстарацыі “Макдональдс” чытаў Біблію і заклікаў людзей ва ўмовах крызіса звяртацца да Бога, а не панікаваць і імкнуцца набываць розныя тавары.

У міліцыі на Луканіна склалі адміністрацыйны пратакол, абвінаваціўшы  яго  ў правядзенні  несанкцыянаванага сходу. Юрыст патлумачыў, што вакол яго, сапраўды, сабраўся натоўп людзей, якія хацелі паслухаць вытрымкі з найвялікшай з кнігаў.