У рэгіёнах узнікаюць спантанныя акцыі пратэсту

28 траўня ў Маладэчне адбыўся перфоманс: на Цэнтральнай плошчы, пад помнікам Леніна маладыя людзі сталі грымець пустымі рондалямі. Відавочна, акцыя была прысвечана цяперашняй эканамічнай сітуацыі.

Не прайшло некалькі хвілінаў, як да ўдзельнікаў падыйшоў мінак і запытаўся, што яны робяць. Адыйшоўшы ў бок, гэты “выпадковы мінак” па мабільным тэлефоне стаў выклікаць “падмацаванне”. Аб гэтым даведаліся ўдзельнікі – і паспяшаліся сыйсці. Хутка пад’ехала група міліцыянтаў і паспрабавала дагнаць некаторых арганізатараў перфоманса, але хлопцам удалася змяшацца з натоўпам і ўцячы. На прыступках помніка Леніна толькі застаўся ляжаць пусты дзіравы рондаль.

“Праваабарончая хроніка”