У Пінску маладыя інваліды правялі фестываль

Каб прыцягнуць увагу грамадства да праблем маладых інвалідаў, пінская грамадская арганізацыя “Ветразь” правяла фестываль “Бэзавая Ластаўка”. Мерапрыемтвы фестывалю, са згоды кіраўніцтва горада, ладзіліся ў гарадскім парку культуры і адпачынку. У праграме фэсту былі конкурсы фатаздымкаў і відэакліпаў, творчыя майстэрні і канцэрт.  У ходзе дзеяў “Бэзавай ластаўкі” звычайныя пінчукі змаглі ўбачыць і ацаніць таленты моладзі з абмежаванымі магчымасцямі. У далейшым арганізацыя “Ветразь” плануе праводзіць свае акцыі супольна са здаровымі людзьмі, каб спрыяць адаптацыі інвалідаў у грамадстве.

“Праваабарончая хроніка”