Новы сайт пра палітвязьняў Беларусі

Распачаў працу новы інтэрнэт-сайт, прысьвечаны палітычным зьняволеным у Беларусі.

Стваральнікі старонкі актыўна працуюць над распаўсюдам інфармацыі пра беларускіх палітзьняволеных, падымаюць гэтую тэму сярод дэпутатаў Еўрапейскага парламенту ды ў іншых міжнародных структурах.

Сайт Freedom to Political Prisoners in Belarus зьмяшчае падрабязную інфармацыю пра кожнага з палітычных зьняволеных. Ініцыятыва ставіць сваё мэтай неадкладнае і безумоўнае вызваленьне кожнага з рэпрэсаваных беларусаў.

Стваральнікі сайту імкнуцца знайсьці для кожнага з палітвязняў Беларусі персанальна адказнага палітыка з ліку дэпутатаў Еўрапарламенту.