Еўракамісія занепакоена рэпрэсіямі на Беларусі
Дэпутат Еўрапарламента Марэк Мігальскі
Еўрапейская камісія выказвае глыбокую занепакоенасць рэпрэсіямі беларускіх уладаў у дачыненні прадстаўнікоў грамадзянскай супольнасці і лідараў апазіцыі. Гэта датычыцца таксама і справы арышту Алеся Бяляцкага, працэс над якім можа пачацца ў кастрычніку гэтага году. Такі адказ на свой запыт у Еўракамісію атрымаў дэпутат Еўрапейскага парламенту Марэк Мігальскі.
“5 жніўня 2011 года прэс-сакратар Найвышэйшага прадстаўніка / Віцэ-прэзідэнта Эштан выступіў з заявай з нагоды арышту Алеся Бяляцкага і выказаў расчараванне ў сувязі з неаднаразовымі актамі запалохвання і пераследу мірных абаронцаў правоў чалавека ў Беларусі і упартай адмовай з боку беларускіх уладаў па легалізацыі незалежнай арганізацыі па правах чалавека ў гэтай краіне. Выпуск і рэабілітацыя ўсіх палітычных зняволеных з'яўляецца адным з асноўных патрабаванняў ЕС у дачыненні да Беларусі”,- нагадалі Марэку Мігальскаму ў Еўракамісіі.
Камісія будзе і надалей імкнуцца выкарыстоўваць усе інструменты, даступныя ў ЕС для аказання падтрымкі Алесю Бяляцкаму і іншым палітычным зняволеным і ахвярам рэпрэсій у Беларусі, цвердзіцца ў лісце.
