Мэрыя Парыжу запатрабавала безумоўнага вызвалення Алеся Бяляцкага

Мэр Парыжу Бертран Дэланоэ 25 лістапад распаўсюдзіў камюніке з заклікам беларускіх уладаў да неадкладнага і безумоўнага вызвалення Алеся Бяляцкага і ўсіх палітычных вязняў. Намеснік мэра па міжнародных справах П'ер Шапіра прыняў удзел у дэманстрацыі ля будынка беларускай амбасады.

“З абурэннем і крайняй занепакоенасцю даведаўся я сёння пра прысуд да 4 гадоў і 6 месяцаў зняволення Алеся Бяляцкага, віцэ-прэзідэнта FIDH і прэзідэнта праваабарончага цэнтра "Вясна" у Беларусі.

Алесь Бяляцкі бяспынна змагаўся за правы чалавека, нягледзячы на ​​навіслыя над ім пагрозы. Арыштаваны ў жніўні гэтага года праваабаронца, які абвінавачваецца ва "ўхіленні ад выплаты падаткаў у асабліва буйных памерах" - чарговая ахвяра дзяржаўнай дэзінфармацыі, нароўні з іншымі вязнямі сумлення ў Беларусі. П'ер Шапіра, мой намеснік па міжнародных справах, еўрапейскай і франкафонскай палітыцы, далучыўся сёння да дэманстрацыі перад Амбасадай Беларусі, каб выказаць сваё абурэнне побач з Суэр Белхасен, Прэзідэнтам Міжнароднай Федэрацыі за правы чалавека.

Ад імя горада Парыжа, глыбока адданага справе правоў чалавека і асноўных свабодаў, я заклікаю беларускія ўлады да неадкладнага і безумоўнага вызвалення Алеся Бяляцкага і ўсіх палітычных вязняў”, - гаворыцца ў камюніке мэра Бертрана Дэланоэ.