Наваполацк: Чатыры адмовы на правядзенне аднаго пікету
Сябрам Беларускага незалежнага прафсаюза, рабочым ААТ «Нафтан», у чацвёрты раз адмовілі ў правядзенні пікету. Мэтай пікету было інфармаванне жыхароў Наваполацка пра адмову кіраўніцтва прадпрыемства заключыць калектыўны дагавор з Незалежным прафсаюзам.
Адміністрацыя падпісала калектыўны дагавор, над складаннем якога працавалі як прадстаўнікі прадзяржаўнага "Белхімпрафсаюза", так і сябры БНП. Аднак да падпісання былі дапушчаныя выключна сябры афіцыйнага прафсаюза. У складанні і падпісанні асобнай дамовы для сяброў БНП наймальнікам таксама было адмоўлена.
Актывісты Незалежнага прафсаюза лічаць, што чатыры адмовы ўладаў у правядзенні інфармацыйнага непалітычнага пікету нічым не абгрунтаваныя і прыводзяць толькі да нарастання напругі ў працоўных калектывах.
