Бярозаўскія актывісты на Раство наведалі Паўла Севярынца

Бярозаўскія дэмакратычныя актывісты наведалі палітзняволенага Паўла Севярынца, павіншавалі яго з Калядамі і Нараджэннем Хрыстовым, завезлі калядныя пачастункі. Сустрэча доўжылася ў альтанцы ля спецкамендатуры больш гадзіны.

Павел падзяліўся ўражаннямі ад паездкі дадому, расказаў пра пачутае і ўбачанае ў Віцебску. Пашкадаваў, што сустрэча з роднымі і сябрамі  была кароткай, бо шмат часу патрацілася на дарогу. Расказаў пра перапіску з іншымі палітзняволенымі.

Павел Севярынец выказаў вялікую ўдзячнасць усім, хто не забывае яго ў зняволенні.