У Маладэчне збіралі сродкі на білет для прэзідэнта (фота)

У суботу вечарам у Маладэчне ў цэнтры горада, каля цэнтральнага парка, з’явіўся трохлітровы слоік з заклікам здаваць сродкі на білет у Кувейт для прэзідэнта. Мінакі ўсміхаліся, некаторыя кідалі туды дробязь. Зразумела, што дзяжурыць камусьці каля слоіка было небяспечна, таму ягоны лёс застаўся невядомым, але некалькі гадзінаў ён прастаяў дакладна.

Хто арганізаваў гэты жарт – невядома, некаторыя сцвярджаюць, што гэта справа моладзевага аб’яднання “Абарона”, якое быццам з’явілася ў горадзе. Але зразумела, што публічна прызнавацца як у аўтарстве падобных акцый, так і ва ўдзеле ў нефармальных арганізацыях у нашай краіне небяспечна. Тым не менш, падобныя справы звычайна атрымоўваюць у грамадстве шырокі розгалас.