Алега Волчака пакаралі арыштам
Алег Волчак, кіраўнік Праваабарончага цэнтра “Прававая дапамога насельніцтву”
У судзе Цэнтральнага раёну Менска павінен быў распачацца суд над кіраўніком праваабарончага цэнтру "Прававая дапамога насельніцтву" Алегам Волчакам. Зараз тут збіраюцца праваабаронцы і журналісты. У суд прыбыў канвой з Акрэсціна, аднак па стане на 11- 40 праваабаронцы ў судзе не было. Адвакат спрабуе высветліць лёс свайго падабароннага.
12-50. У суд прывезлі матэрыялы адміністратыўнай справы. Чакаецца, што хутка даставяць і Алега Волчака.
13-50. Алега Волчака даставілі ў суд. Справу разглядае суддзя Якунчыхін.
14-35.Суддзя забараніў аўдыёзапіс, журналістку з дыктафонам вывелі з залі суда. Астатніх папярэдзілі, што могуць прыцягнуць да адказнасьці за непавагу да суду, калі будуць весьці запіс.
Волчак адмаўляе, што лаяўся матам і размахваў рукамі.
15-00. Сьведка з боку абвінавачваньня Антон Шахлай, намесьнік начальніка міліцыі Цэнтральнага раёну, сцвярджае, што Волчак мацюкаўся на вуліцы.
15-35. Праваабаронцу Алега Волчака пакаралі адміністратыўным арыштам на 4 сутак.
Праваабаронца быў нечакана і безпадстаўна затрыманы 27 студзеня проста на вуліцы ў Менску, непадалёк ад бульвару Шаўчэнкі. У Цэнтральным РУУСе на Алега Волчака склалі пратакол па артыкуле 17.1 КаАП РБ ("Дробнае хуліганства") і адправілі ў Цэнтр ізаляцыі правапарушальнікаў на Акрэсьціна.
