Валянцін Стэфановіч сустрэўся з прадстаўнікамі палітычных колаў і грамадзянскай супольнасці Швецыі
Валянцін Стэфановіч у судзе Партызанскага раёна 2 снежня. Фота svaboda.org
З 28 па 31 студзеня 2012 года па запрашэнні швецкай праваабарончай арганізацыі Östgruppen у сталіцы Швецыі з візітам знаходзіўся намеснік старшыні Праваабарончага цэнтру “Вясна” Валянцін Стэфановіч.
Падчас візіту ў Стакгольм беларускі праваабаронца прыняў удзел у шэрагу сустрэчаў з парламентарамі Швецыі, прадстаўнікамі МЗС, а таксама ў публічных семінарах па сітуацыі з правамі чалавека ў Беларусі, даў інтэрв’ю журналістам вядучых СМІ. Таксама Валянцін Стэфановіч прыняў удзел у пікеце каля амбасады Беларусі ў Швецыі, які быў арганізаваны швецкімі НДА – аддзяленнем Amnesty International, Östgruppen, Civil Rights Defenders.
Асноўнай мэту візіту намесніка старшыні Праваабарончага цэнтру “Вясна” у Швецыю было давядзенне да палітычных колаў швецыі, шведскага грамадства інфармацыі пра факты парушэння правоў чалавека ў Беларусі, у тым ліку апошняй інфармацыі пра становішча беларускіх палітычных вязняў. Падчас гэтых сустрэчаў Валянцін Стэфановіч падкрэсліў, што Праваабарончы цэнтр “Вясна” патрабаваў і патрабуе ад уладаў Беларусі неакладнага вызвалення ўсіх палітвязняў у краіне, што з’яўляецца безумоўнай перадумовай для любых кантактаў з боку ЕС з прадстаўнікамі афіцыйнага Менску.
