Гарадзенскія апазіцыянеры плануюць Дзень Волі адзначыць мітынгам
Прадстаўнікі трох гарадзенскіх дэмакратычных партый: Аб’яднанай грамадзянскай партыі, Беларускага народнага фронту і Беларускай сацыял- дэмакратычнай Грамады 7 сакавіка пастанавілі падаць супольную заяўку ў Гарадзенскі гарвыканкам на правядзення мітынгу, прысвечанаму чарговым угодкам абвяшчэння Беларускай Народнай Рэспублікі. На Дзень Волі дэмакратычныя сілы хочуць павіншаваць жыхароў гораду з вялікай гістарычнай падзеяй, а таксама абмеркаваць актуальныя праблемы грамадска-палітычнага жыцця краіны.
Можна прыпомніць, што ў дзевяностыя гады ў горадзе над Нёманам у Дзень Волі праходзілі шматтысячныя акцыі апазіцыі. Апошнія ж дзесяць-дванаццаць гадоў улада забараняе ўсе масавыя мерапрыемствы, якія збіраюцца праводзіць грамадска-палітычныя актывісты.
