Так “добраўпарадкуюць” могілкі ў Дзярэчыне (фота)

У гэтыя дні работнікі мясцовага сельска-вытворчага кааператыва “Галынка” Зэльвенскага раёна “добраўпарадкуюць” старыя яўрэйскія могілкі ў вёсцы Дзярэчын. Яны пілуюць на могілках дрэвы, якія проста падаюць на надмагільныя помнікі, крыжы, магілы. Работнікі не звяртаюць увагі на тое, што дрэвы наносяць шкоду магілам.

Старыя яўрэйскія помнікі ў Дзярэчыне існуюць некалькі стагоддзяў. У 1878 годзе ў гэтым мястэчку жыло 1725 яўрэеў, а ў 1920-х гадах іх там налічвалася 1346 чалавек. Калі паміралі яўрэі, іх хавалі на гэтых старых яўрэйскіх могілках. І сёння ўнукі і праўнукі былых дзярэчынскіх яўрэяў, калі наведаюць могілкі ў Дзярэчыне, то яны ўбачаць даволі сумны малюнак, дзе многія камяні з надпісамі, магілы іх продкаў  ад падзення дрэў,моцна пахіленыя, зрушаныя, увагнаныя ў зямлю, пашкоджаныя.