Слонімцы звярнуліся да Генпракурора з патрабаваннем вызваліць вязняў

Група жыхароў Слоніма звярнулася да Генеральнага пракурора Рэспублікі Беларусь Аляксандра Конюка.

У звароце слонімцы патрабуюць тэрмінова вызваліць і аказаць медыцынскую дапамагу Сяргею Каваленку: “За кратамі памірае чалавек. Памірае не за сябе, а за краіну. За яе будучыню, за нашу годнасць, за наш нацыянальны сцяг. Нам, жыхарам Слоніма, балюча ўсведамляць, як памірае гэты чалавек. Мы не можам быць абыякавымі да гэтага забойства па сутнасці нявіннага чалавека, патрыёта сваёй краіны…”.

Падпісанты звароту таксама патрабуюць вызваліць Андрэя Саннікава, Зміцера Бандарэнку і ўсіх палітычных вязняў.