Лідэраў апазіцыі будуць судзіць за хуліганства

У ноч на 28 сакавіка ў Оршы супрацоўнікамі Аддзела ўнутраных спраў на транспарце былі знятыя з цягніка № 2 Мінск-Масква лідэр АГП Анатоль Лябедзька, кіраўнік партыі «Справядлівы свет» Сяргей Калякін, а таксама актывіст апазіцыі Сяргей Атрошчанкаў.

Падставай для затрымання стала нібыта інфармацыя пра тое, што ў купэ правозяцца наркотыкі, аднак пасля на лідэраў апазіцыі былі складзеныя пратаколы за дробнае хуліганства і яны затрыманыя да суду.

Суд над затрыманымі павінен адбыцца сёння 28 сакавіка ў будынку суда Аршанскага раёна і горада Оршы (вул. Савецкая, 5). Пра час пачатку працэсу пакуль невядома, таксама пакуль няма інфармацыі пра тое, хто з суддзяў будзе весці працэс.