Аляксей Паўлоўскі патрабуе сродкі ад суботніка накіраваць на паляпшэнне бытавых умоваў для рабочых
Аляскей Паўлоўскі
За заробленыя грошы на суботніку грошы Аляксей Паўлоўскі прапануе кіраўніцтву стварыць нармальныя бытавыя ўмовы для рабочых-будаўнікоў.
Адпаведныя заявы ён накіраваў старшыні Магілёўскага аблвыканкаму і ў архітэктурны нагляд па Магілёўскай вобласці.
“У будаўнічых арганізацыях горада, у тым ліку ў “Прамжылбудзе”, дзе я працаваў цягам года, адсутнічаюць хоць нейкія бытавыя ўмовы для рабочых. Няма ўмывальнікаў і моек, душавых, абсталяваных пакоеў для харчавання. Няма нармальных сучасных бытовак”, - гаворыць Аляксей Паўлоўскі.
“Я хачу, каб кіраўніцтва горада прыняла адпаведнае рашэнне па навядзенні парадку на будаўнічых пляцоўка. Гэта ж сорамна, калі ў ХХІ стагоддзі людзі працуюць з парушэннем тэхнікі бяспекі і элементарна не могуць памыцца і паесці бо няма ўмоваў для гэтага”, - працягвае рабочы-будаўнік.
Нагадаем, што з Аляксеем Паўлоўскім (праз ягоную актыўную прафсаюзную дзейнасць) кіраўніцтва “Прамжылбуда” не працягнула працоўны кантракт. Зараз актывіст суддзіцца з былым наймальнікам. Ён хоча змяніць фармулёўку свайго звальнення і спагнаць з “Прамжылбуда” грошы за шматлікія парушэнні ўмоваў працоўнага кантракту.
