“Людзі ў цывільным” збіраюць звесткі пра з’ехаўшых за мяжу

Сябра АГП Сяргей Ліс з мястэчка Азёры Гарадзенскага раёну паведаміў, што ў канцы мінулага тыдня яго спыніла дарожная аўтаінспекцыя абсалютна беспадстаўна, калі ён вяртаўся з Гародні дахаты ў Азёры.

Пасля гэтага з Лісам размаўляў чалавек у цывільным, які дапытваўся ў актывіста пра іншага жыхара Азёраў, таксама сябра АГП – Кірыла Семянчука, які з’ехаў пасля выбараў у Варшаву і папрасіў там палітычнага прытулку. Невядомы, у якім Сяргей Ліс падазрае супрацоўніка КДБ, спрабаваў запалохаць яго і нават пагражаў арыштам на 15 сутак, калі ён не дасць патрэбнай інфармацыі пра з’ехаўшага Семянчука.