У Слоніме моладзь збірае грошы для адзінокіх старых

У мінулую суботу на цэнтральных вуліцах Слоніма можна было ўбачыць маладых хлопцаў і дзяўчат з урнамі і лістоўкамі ў руках. Моладзь раздавала людзям брашуркі і лістоўкі з рэкамендацыямі аб здаровым ладзе жыцця.

Але галоўнай мэтай акцыі быў збор сродкаў для адзінокіх састарэлых людзей. Хлопцы і дзяўчаты падходзілі з урнамі да людзей і прасілі ахвяраваць хто колькі можа рублёў для старых адзінокіх слонімцаў. Сабраныя сродкі юнакі і дзяўчаты перадалі ў мясцовы Чырвоны Крыж, дзе за сабраныя грошы будуць куплены гігіенічныя сродкі і перададзены старым людзям, якія жывуць на тэрыторыі Слонімскага раёна.