Маладэчна: пасажырам прапануецца альтэрнатыўная інфармацыя (фота)

У Маладэчне на аўтобусным прыпынку “Плошча Свабоды” цягам апошняга месяца нехта рэгулярна расклейвае свежыя нумары незалежных выданняў, часцей за ўсё – “Народнай Волі” і “Нашай Нівы”.

Па назіраннях, пасажыры, якія чакаюць аўтобус на гэтым прыпынку, з задавальненнем чытаюць размешчаныя газеты, а таксама актыўна дыскутуюць на прапанаваныя тэмы.

Маладэчанскі апазіцыйны лідэр Ян Лагвіновіч кажа:

- Лічу гэта вельмі добрай ідэяй. Вельмі ўсцешаны таксама тым, што апошнім часам у горадзе адбываюцца даволі заўважныя акцыі, выканаўцаў якіх не ведаем ні я, ні мае калегі. Гэта азначае, што расце колькасць адпаведна настроеных людзей, якія гатовы да актыўных дзеянняў.