Берасьце. Рэтраспектыва. Праваабарончы погляд (відэа)
Жыхар Берасьця Віталь Казак быў прыцягнуты да адміністрацыйнай адказнасці за адмову праходзіць дактыласкапію, нягледзячы на тое, што ён здаваў адбіткі ў 2003 і 2006 годах. Маскоўскі райсуд пакараў яго штрафам, спачатку ў памеры 1 мільён 50 тысяч рублёў, аднак абласны суд адмяніў прысуд і накіраваў справу на перагляд. Другі раз суд зменшыў памер штрафу да 700 тысяч рублёў, аднак Казак абскардзіў і гэтую судовую пастанову. Абласны суд зноў адмяніў рашэнне папярэдняй інстанцыі. Гэтая гісторыя паслужыла падставай для цэлага міні-фільма, да стварэння якога вельмі творча падышлі мясцовыя праваабаронцы.
Ідэя відэароліка - паказаць шляхам гістарычнага параўнання бяспраўнасць і неабароненасць людзей перад уладай.
"Нязгодныя моцныя - знікаюць, або сядзяць, слабейшых запалохваюць. Дактыласкапія, або" пальчыкі "- адзін з метадаў па запалохванні беларусаў, які нагадвае пра падзеі зусім блізкага мінулага. Сведкі тых падзей жывуць сярод нас," - адзначаюць аўтары ў анатацыі да міні-фільму . (Ролік лепш глядзіцца на ўвесь экран).
