Брэст: збіраюцца подпісы супраць будаўніцтва АЭС у трох краінах

У Брэсце праводзіцца акцыя “Нам жыць, нам вырашаць: НЕ – новым фукусімам і новым чарнобылям!”. У яе межах збіраюцца подпісы пад зваротам да ўрадаў Беларусі, Літвы і Расіі адносна прыпынення планаў па будаўніцтву атамных электрастанцый. У звароце ўказваецца, што ўрады Беларусі, Літвы і Расеі пачалі будаўніцтва АЭС паблізу ад сумесных межаў:  у Беларусі – Астравецкая АЭС, у Літве – Вісагінская, а ў Расіі – Балтыйская ў Калінінградскай вобласці. Падпісанты звароту нязгодны з такой перспектывай і патрабуюць прыпыніць будаўніцтва ўсіх трох АЭС, пакуль урады кожнай з краін не атрымаюць згоду большасці грамадзян на іх будаўніцтва на сваіх тэрыторыях шляхам правядзення рэферэндуму.

Адзін з удзельнікаў акцыі, праваабаронца Уладзімір Вялічкін, які сам прайшоў праз чарнобыльскае пекла, лічыць сваім грамадзянскім абавязкам напомніць кіраўніцтву аб той пагрозе, якую нясе мірны атам.

Праваабаронца шкадуе, што кіраўнікоў Беларусі Чарнобыль нічому не навучыў.

Збор подпісаў працягваецца, і кожны неабыякавы чалавек можа паставіць пад ім свой подпіс.