Гарадзенскія журналісты выступаюць у падтрымку Андрэя Пачобута
Андрэй Пачобут, публіцыст і блогер, уласны карэспандэнт выдання Gazeta Wyborcza
Гарадзенскія журналісты звяртаюцца да Генеральнага пракурора Рэспублікі Беларусь з заявай, у якой выказваюць пратэст у звязку з узбуджэннем чарговай крымінальнай справы ў дачыненні да публіцыста Андрэя Пачобута. Калегі Пачобута звяртаюць увагу на тое, што пазбаўленне волі журналіста за выказванне свайго меркавання не адпавядае мінімальным стандартам свабоды слова і міжнародным абавязацельствам дзяржавы. Гарадзенскія сябры БАЖ патрабуюць тэрміновага вызвалення Андрэя Пачобута і спынення крымінальнага пераследу. Журналісты заклікаюць адмовіцца ад ганебнай практыкі прымянення Крымінальнага кодэксу з мэтай абмежавання свабоды выказвання. Усяго пад заявай ужо падпісалася каля 20 чалавек.
