Судовыя выканаўцы канфіскавалі маёмасьць рэспубліканскага грамадзкага аб’яднаньня “Беларускі Хельсінкскі камітэт” (БХК)
Як паведаміў БелаПАН, маёмасць была апісаная ў выкананне рашэння Вышэйшага Гаспадарчага суду (ВГС) па справе па падаткаабкладанні сродкаў, якія былі атрыманыя ў рамках праграмы ТАСІС.
Прэс-служба БХК адзначае, што пастанова прэзідыўма ВГС супярэчыць іншаму працэсуальнаму дакументу – рашэнню следчага Дэпартамента фінансавых расследаванняў Камітэта дзяржаўнага кантролю аб спыненні крымінальнай справы, які пацвярджае, што службовыя асобы БХК не павінны выплачваць падаткі па спрэчных грашовых сумах.
1 лістапада Гаспадарчы суд Менска пастанавіў канфіскаваць частку маёмасці БХК на суму 255 тысяч рублёў. Канфіскаваная маёмасць пайдзе ў рахунак аплаты 160 млн. рублёў штрафу і падатковых запазычанасцяў.
Нагадаем, што яшчэ ўлетку 2004 года Гаспадарчы суд Менска зняў з БХК абвінавачванні ва ўхіленні ад выплаты падаткаў па сродках, якія задзейнічаныя ў рамках праграмы ТАСІС. Аднак гэтае рашэнне апратэставаў намеснік старшыні ВГС Яўген Смірноў. У снежні 2004 года прэзідыўм Вярхоўнага суду задаволіў яго пратэст і абавязаў БХК выплаціць падаткі і штрафныя санкцыі ў суме, эквівалентнай прыкладна 75 000 даляраў.
