Сябры АГП з Віцебску Эаніта Жаўняровіч і Фёдар Бакуноў атрымалі папярэджаньні за ўдзел у несанкцыянаванай акцыі “Хочам ведаць праўду” 16 ліпеня.

21 ліпеня судзьдзя Кастрычніцкага раённага суду Віцебску Марына Марозава вынесла прысуды 73-гадовай Эаніце Жаўняровіч ды Фёдару Бакунову. За ўдзел у несанкцыянаванай акцыі “Хочам ведаць праўду”, якая адбылася 16 ліпеня ды была прысьвечаная зьніклым беларускім грамадзянам, абодвум сябрам АГП абвешчанае папярэджаньне.

Нагадаем, што яшчэ адзін удзельнік гэтай акцыі Руслан Голубеў рашэньнем судзьдзі Сьвятланы Дутчанкі быў асуджаны на двое сутак адміністратыўнага арышту, а 24 ліпеня адбудзецца суд над сябром АГП Уладзімерам Семенчуковым.
Паводле Радыё Свабода