Валер Булгакаў аштрафаваны на 500 тысяч рублёў

Суд Гарадзенскай вобласьці аштрафаваў Валера Булгакава на 5 базавых велічынь. Таксама канфіскаваны ўвесь прыбытак ад продажу часопіса «ARCHE»
на агульную суму 875 тысяч рублёў.

Абвінавачаньне — незаконная прадпрымальніцкая дзейнасьць.

14 верасьня Валер Булгакаў прыехаў у Горадню, каб прадставіць новую кнігу з сэрыі часопіса «ARCHE» «Саветызацыя Заходняй Беларусі» аўтарства гісторыка Яна Шумскага.

На сустрэчу прыйшлі супрацоўнікі падатковай інспэкцыі і зрабілі «кантрольную закупку». Пасьля гэтага яны сканфіскавалі каля двухсот асобнікаў часопіса і кніг, на якія не было накладных.