Салігорскі актывіст Зьміцер Карноў пакараны трыма суткамі адміністратыўнага арышту

Актывіст Маладога Фронту быў затрыманы ў суботу 20 студзеня на цэнтральнай плошчы Салігорску, дзе разам з Іванам Шылам трымаў расьцяжку з надпісам: “Свабоду Дашкевічу!”. Міліцыянты затрымалі таксама Івана, Ільлю Шылаў і Андруся Тычыну. У офісе Маладога Фронту зрабілі вобыск і канфіскавалі расьцяжкі ды ўлёткі.

Непаўнагадовых Івана і Ільлю Шылаў, а таксама Андруся Тычыну праз тры гадзіны адпусьцілі. 18-гадовага Зьмітра Карнова абвінавацілі ў дробным хуліганстве. Сёньня салігорскі суд пакараў Зьмітра Карнова трыма суткамі арышту.