40 дзён назад не стала Крысціны Шацікавай
Крысціна Шацікава.
Грамадская актывістка з Магілёва пайшла з жыцця пасля працяглай хваробы. У яе быў рак лёгкіх. Нягледзячы на хваробу, яна да апошняга змагалася за жыццё, дапамагала людзям і бараніла іхныя правы.
Праз лекарскую памылку Крысціну паўгады лячылі ад прастуды, аднак ёй ад гэтага лягчэй не станавілася. Сябры адвезлі яе да знаёмага лекара, які і дыягнаставаў хваробу.
Родныя лічуць, што хвароба ўзнікла ў Крысціны Шацікавай пасля збіцця яе АМАПаўцамі.
Крысціна запомнілася сваёй ініцыятыўнасцю, прынцыповасцю і давядзеннем спраў да канца. Яна была яркім вулічным лідэрам і не абмяжоўвалася рэгіянальнай дзейнасцю, пастаянна ўдзельнічала ў розных акцыях як у розных гарадах Беларусі, так і за яе межамі.
Сёння родныя, блізкія і сябры Крысціны Шацікавай збяруцца за сталом, каб памянуць грамадскую актывістку.
