Слонімцы павіншавалі палітвязняў са святамі (фота)

У пяніцу, 21 снежня, сябры згуртавання дэмакратычных сіл Слоніма, а гэта некалькі дзесяткаў чалавек, сабраліся на сваё апошняе ў гэтым годзе пасяджэнне. Яны падвялі вынікі сваёй дзейнасці за 2012 год, павіншавалі адзін аднаго і ўсіх землякоў з надыходзячым Новым годам і з Калядамі. Падчас паседжання слонімцы падпісалі ўсім беларускім палітвязням лісты, у якіх павіншавалі іх з надыходзячымі святамі, а таксама пажадалі найхутчэйшага вызвалення з-за кратаў.

За некалькі дзён да гэтага кіраўнікі слонімскіх суполак дэмакратычных партый таксама асобна выслалі ўсім палітзняволеным віншавальныя паштоўкі.