Салідарнасць з гарадзенскімі праваабаронцамі перасягнула межы Беларусі (фота)
Актывісты Крымскага праваабарончага цэнтра "Дзеянне" і Незалежнага прафсаюза "Студэнцкае дзеянне" ў падтрымку беларускіх праваабаронцаў
Украінскія праваабаронцы абвесцілі ў Інтэрнэце акцыю падтрымкі сябраў ПЦ “Вясна” Віктара Сазонава, Уладзіміра Хільмановіча і сябра Беларускага Хельсінкскага Камітэта Рамана Юргеля, пакараных у адміністратыўным парадку за размешчаны ў інтэрнэце здымак з партрэтам палітвязня Алеся Бяляцкага.
Рашэнне суддзі суда Ленінскага раёна Гродна Віталя Лецкі, паводле якога ўсе трое пакараныя адміністратыўнымі штрафамі на агульную суму ў 4,5 мільёны беларускіх рублёў, як і сам судовы працэс, выклікалі абурэнне ўкраінскіх праваабаронцаў. Фота і здагадкі міліцыі, рапарты, напісаныя заднім чыслом, даюць магчымасць пераследваць актывістаў, цалкам парушаючы ўсе юрыдычныя дасудовыя і судовыя нормы, канстатуе аўтар інтэрнэт-звароту.
“Можна
прама рабіць выснову, што дадзенае рашэнне суда - чарговы палітычны заказ
сістэмы, якая проста баіцца сваіх грамадзян, а Закон «Аб масавых мерапрыемствах
у Рэспубліцы Беларусь» усяго толькі інструмент для яго выканання. Улада баіцца
малюнка Алеся Бяляцкага, кніжачак Усеагульнай дэкларацыі правоў чалавека. Улада
баіцца таго, што аб'ядноўвае і дае магчымасць жыць палітычным зняволеным за
кратамі, ведаючы, што іх падтрымліваюць і чакаюць, што дае магчымасць працаваць
актывістам, якія змагаюцца за свабоду і каштоўнасці правоў чалавека, што падтрымлівае
журналістаў, якія, нягледзячы на ўсю складанасць прафесіі, працягваюць быць
аб'ектыўнымі.
Давайце падтрымаем беларускіх праваабаронцаў разам!”, - заклікаюць удзельнікі
ўкраінскай Сеткі праваабаронцаў.
На сайце Cеткі ўжо з’явіліся першыя водгукі на гэты заклік – актывісты розных групаў дасылаюць свае фотаздымкі з партрэтамі палітвязня Алеся Бяляцкага.
Удзельнікі Другога Міжнароднага курсу
па правах чалавека для моладзі:
9 студзеня праваабаронца Міхаіл Лебедзь “правёў”
серыю адзіночных “несанкцыянаваных
пікетаў” ля беларускіх дзяржаўных
органаў у знак салідарнасці
з праваабаронцамі з Гародні:
Да акцыі далучыліся актывісты Крымскага праваабарончага
цэнтра "Дзеянне" і Незалежнага прафсаюза
"Студэнцкае дзеянне":
