Брэст: незалежная журналістка атрымала афіцыйнае папярэджанне пракуратуры

Аліну Літвінчук, якая з’яўляецца сябрам ГА “Беларуская асацыяцыя журналістаў”, папярэдзілі аб недапушчальнасці супрацоўніцтва з замежнымі СМІ без акрэдытацыі.

У Брэсцкай абласной пракуратуры прышлі да высновы, што аўтарам матэрыялаў, змешчаных на інтэрнэт-старонцы “Радыё Рацыя” за подпісам Алісы Поль, насамрэч з’яўляецца Літвінчук. Між тым, намеснік пракурора вобласці Алаксандр Точка, з якім сустрэлася журналістка, не змог патлумачыць, якім чынам пракуратура прыйшла да такой высновы.

Варта дадаць, што афіцыйную позву журналістка так і не атрымала, і вырашыла сама прыйсці ў наглядную інстанцыю, бо ўжо доўгі час ёй тэлефануюць тэлефануюць невядомыя асобы і заклікаюць наведаць пракуратуру. Міліцыянты і людзі ў цывільным таксама наведваюць кватэру, якую арэндуе Аліна Літвінчук, дапытваюць сваякоў і суседзяў журналісткі.