Міліцыя павінна хутчэй рэагаваць на звароты насельніцтва

А таксама прымаць больш жорсткія меры, каб папярэдзіць злачыннасць. Такая задача была пастаўлена на калегіі ўпраўлення ўнутраных спраў Мінаблвыканкама з удзелам губернатара.

Летась назіралася зніжэнне крадзяжоў маёмасці, скарацілася колькасць ДТЗ. Аднак агулам было адзначана, што ў рэгіёне застаецца высокі ўзровень правапарушэнняў. 

Пры гэтым міліцыянты адзначалі, што вынікамі сваёй працы задаволеныя. Так, камандзір роты патрульна-паставой службы Мінскага РАУС Вячаслаў Дарошка ў інтэрв'ю тэлеканалу "Беларусь-1" адзначыў: "Стаўленне грамадзянаў да міліцыі ўсё ж такі змяняецца ў лепшы бок. Пра гэта сведчыць тое, што ў 2012 годзе скаргаў і нараканняў у адносінах да супрацоўнікаў міліцыі не было".