Ілоне Ткачовай да сённяшняга дня не вярнулі сканфіскаваны ноутбук

Сябру партыі “Справядлівы свет” са Жлобіна Ілоне Ткачовай да сённяшняга дня не вярнулі ноутбук і фотапарат, канфіскаваны на беларуска-украінскай мяжы.

–Па-сутнасці, выйшлі ўсе магчымыя тэрміны, але мне нават не далі ніякага адказу на скаргі, якія былі адрасаваны начальніку мытні, – кажа актывістка. –  Але ў мяне нават няма часу, каб ехаць на мытню і высвятляць усе абставіны на гэты конт.

Нагадаем, 6 снежня 2012 года Ілона разам з мужам і сынам вярталася з адпачынку ў Егіпце праз украінска-беларускую мяжу. У «Новай Гуце» сям’ю актывісткі абшукалі мытнікі, забраўшы ноутбук і фотапарат.  Актывістка напісала скаргу на імя начальніка мытні, але ні адказу, ні ноутбука з фотапаратам не дачакалася да сённяшняга дня.