Барысаў: незалежная газета вярнулася ў падпісны каталог
У чэрвені гэтага года адбылася падзея, якога незалежная газета
«Барысаўскія навіны» дамагалася восем гадоў.
З мая 2005 года па распараджэнні Мінскага абласнога выканаўчага
камітэта ўсе незалежныя газеты вобласці былі выключаныя з падпісных
каталогаў Белпошты і пазбаўлены магчымасці рэалізацыі праз кіёскі
Белсаюздруку.
Ніякія довады і эканамічныя выкладкі не дапамагалі ў супрацьстаянні
«БН» і гэтых двух дзяржструктур. Як распавёў галоўны рэдактар газеты
Анатоль Букас, вяртанне выдання ў Мінскі абласны каталог
адбылося шмат у чым дзякуючы Асацыяцыі рэгіянальных выдаўцоў
«Аб'яднаныя масмедыя» і яе выканаўчаму дырэктару Ганне Ягоравай.
Гэта яна рассылала лісты ў абласныя падраздзялення Белпошты і
Белсаюздруку, у іншыя інстанцыі з патрабаваннем не парушаць правы
незалежных выданняў.
І вось, нарэшце, чытачы зноў могуць атрымліваць «Барысаўскія навіны» па
пошце. Засталася справа за «малым» - дамагчыся вяртання газеты ў кіёскі
Белсаюздруку.
