Вынесенае папярэджаньне Беларускай сацыял-дэмакратычнай партыі “Народная Грамада”.

Міністэрства юстыцыі вынесла папярэджаньне сацыял-дэмакратам па прычыне, што яны ня маюць права мець юрыдычны адрас сваёй партыі ў жылым памяшканьні, бо гэта забаронена заканадаўствам.

Трэба адзначыць, што фармальна міністэрства юстыцыі мае рацыю, але атрымаць для партыі юрыдычны адрас у нежылым памяшканьні ў Мінску амаль немагчыма. Кіраўніцтва “Народнай Грамады” яшчэ месяц таму папярэдзіла чыноўнікаў Мінюсту, што пераносіць юрыдычны адрас партыі ў Берасьце, дзе грамадоўцы маюць адпаведны офіс у нежылым фондзе, тым ня менш гэтая акалічнасьць не была ўлічаная.

Нагадаем, што калі партыя на працягу году атрымае два папярэджаньні, то яна можа быць ліквідаваная праз суд.