Салігорск: "Народны рэфэрэндум" пад наглядам міліцыі (фота)
У чацьвер, 8 жніўня, сталіцу шахцёраў наведалі кіраўнікі ініцыятывы “Народны рэферэндум”. Прадстаўнікі апазіцыі абмеркавалі з жыхарамі гораду надзённыя праблемы, але рабіць гэта ім давялося пад пільным наглядам супрацоўнікаў міліцыі.
Ініцыятыву “Народны рэферэндум” падчас сустрэчаў з салігорцамі прадстаўлялі былы кандыдат у прэзідэнты ад Партыі БНФ Рыгор Кастусёў, Алесь Лагвінец з “Руху за Свабоду” ды Ігар Драко ад кампаніі “Гавары праўду”. З’яўленне вядомых апазіцыянераў у Салігорску адразу прыцягнула ўвагу мясцовых праваахоўнікаў. Абсалютна ўсе перасоўванні палітыкаў па горадзе адбываліся ў прысутнасці некалькіх супрацоўнікаў міліцыі ў форме і відэааператара ў цывільным. Сіні мікрааўтобус з міліцыянтамі сноўдаў за апазіцыярерамі падчас аўтамабільных пераездаў. На сустрэчы апазіцыянераў з прадпрымальнікамі на рынку “Кастрычніцкі” нават быў заўважаны начальнік Салігорскага РАУС Аляксандр Астрэйка.
- Безумоўна, такая ўвага з боку міліцыі не дазваляе праводзіць сустрэчы ў спакойнай абстаноўцы. Калі міліцыянт Жылінскі багае ды здымае кожны рух, кожнае слова на відэакамеру, дык людзі проста баяцца гэтага, - кажа праваабаронца Леанід Мархотка, які прысутнічаў на сустрэчы ў якасці назіральніка.
Распаўсюджваць інфармацыйныя матэрыялы ды збіраць подпісы прадстаўнікам “Народнага рэферэндуму” мліцыянты таксама не дазволілі, папярэдзіўшы аб адназначным затрыманні ў такім выпадку.
Зрэшты, усе запланаваныя сустрэчы апазіцыянеры ўсё ж такі зладзілі. Аркамя салігорскіх прадпрымальнікаў, яны правялі перамовы з кіраўніцтвам Беларускага незалежнага прафсаюза, завіталі ў раённую паліклініку ды нават у прыёмную старшыні Салігорскага райвыканкаму. Там яны ў пісьмовай форме выклалі найбольш вострыя з ўзнятых пад час сустрэчы з жыхарамі гораду праблемы.
P.S. Фота Андрэя Тычыны
