«Шэрая кніга» віцебскіх праваабаронцаў
Днямі на Віцебшчыне выйшла з друку «Шэрая кніга», у якой падаецца хроніка парушэньняў правоў чалавека ў Віцебскім рэгіёне ў пэрыяд з ліпеня 2012 па чэрвень 2013 году. Аб’ём кнігі складае 120 старонак.
Як паведамляе сайт vitebskspring.org, аўтары выданьня падрыхтавалі таксама электронную вэрсію кнігі, якую разьмясьцілі ў інтэрнэце (спампаваць можна тут), таму азнаёміцца з яе зьместам і пры жаданні надрукаваць можа кожны ахвотны.
Матэрыялы кнігі, якая, дарэчы, выдаецца другі год запар, прадстаўленыя ў наступных рубрыках: крымінальныя справы супраць актывістаў грамадзянскай супольнасці, факты парушэнняў грамадзянскіх і палітычных правоў, маніторынг судовых працэсаў, факты парушэнняў выбарчага заканадаўства, абмежаванне эканамічных свабод, ціск на журналістаў, перашкоды дзейнасці праваабаронцаў, грамадзянскія акцыі, звароты грамадзян у Камітэт па правах чалавека ААН.
