Бярозаўчане павіншавалі Алеся Бяляцкага з Днём народзінаў
Алесь Бяляцкі падчас суду
Ужо трэці год запар бярозаўскія праваабаронцы і проста актыўныя грамадзяне не забываюць павіншаваць палітзняволенага, кіраўніка Праваабарончага цэнтра “Вясна” Алеся Бяляцкага з Днём народзінаў. Алесь атрымае не толькі паштоўкі, але лісты, дзе сябры і простыя людзі расказваюць пра свае жыццёвыя справы і думкі. Напрыклад, Таццяна Аліхвер падзеліцца ўражаннямі ад наведвання Амерыкі, Тамара Шчапёткіна расказала пра тое, чым жыве Бяроза, бярозаўскі студэнт, які навучаецца ў Варшаве Алег – параўнаннем Беларусі з Польшчай. Людзі спадзяюцца, што сваімі паштоўкамі і лістамі яны падтрымаюць Алеся Бяляцкага, дапамогуць адчуць жыццё па-за сценамі турмы. Гэта той мінімум, што мы можам зрабіць для Алеся, які дзеля нас ахвяраваў сваёй воляй, кажа Таццяна Тарасевіч.
Людзі, што павіншавалі праваабаронцу, добра ўсведамляюць, што вырваны ён з грамадства і змешчаны за краты без віны. Таму жадаюць Алесю хутчэйшага вызвалення.
