У Бабруйску будуць збіраць сведчанні сталінскіх рэпрэсій
Вечар памяці рэпрэсаваных у Бабруйску
На вечарыне, якая прайшла ў Бабруйску, узгадалі рэпрэсаваных творцаў, расстраляных ў сутарэннях турмы НКУС у ноч з 29 на 30 кастрычніка 1937 года.
Як і планавалася, на мерапрыемстве прагучалі урыўкі з успамінаў рэпрэсаванага пісьменніка Сяргея Грахоўскага. Былі названыя імёны усіх загінулых у расстрэльную ноч: арганізатарка вечарыны Вольга Піманава скарысталася спісам, складзеным даследчыкам Леанідам Мараковым. Ахвяраў рэпрэсій ушанавалі хвілінай маўчання.
Напрыканцы мерапрыемства Вольга Піманава агучыла прапанову распачаць збор сведчанняў тагачасных рэпрэсій, і зладзіць у офісе АГП невялікі музей. Было вырашана звярнуцца ў гарвыканкам, каб даведацца пра лёс экспазіцыі Музея сталінскіх ахвяр, які калісці быў створаны ў Бабруйску Ганнай Бакач, і гвалтоўна зачынены.
Таксама, па традыцыі, бабруйскія актывісты ўсклалі кветкі і запалілі свечкі ля помніка Ахвярам неабаснаваных рэпрэсій.
