У Менску плануецца масавая студэнцкая акцыя супраць адмены ільготаў для студэнтаў

Актывісты студэнцкага руху падалі заяву на правядзеньне масавай акцыі пратэсту. Яна будзе мець непалітычны характар і пройдзе пад лёзунгамі "Мы супраць адмены ільготаў", паведаміла Хартыя'97.

На дадзены момант ў арганізацыйны камітэт увайшлі пяць моладзевых арганізацый і прадстаўнікі большасьці менскіх ВНУ. Падчас мітынгу плянуецца таксама выступ вядомых беларускіх музыкаў.

Акцыя адбудзецца 20 траўня на плошчы Бангалёр. Пачатак у 17.00.