У Гомелі быў затрыманы сустаршыня «Мадалога Фронту» Андрусь Цянюта

Раніцай 7 снежня на чыгуначным вакзале быў затрыманы сустаршыня «Маладога Фронту» Андрусь Цянюта. Ён сустракаў з цягніка сяброў з Мінску, якія ехалі на канцэрт «Ляпіса Трубяцкога» ў Кіеў. Да актывіста і яго сяброў падыйшлі міліцыянеры. У жыхароў Мінску яна праверылі дакументы, перапісалі пашпартныя дадзеныя і адпусцілі, а Андруся Цянюту пратрымалі каля гадзіны ў аддзеле міліцыі на чыгуначным вакзале. «Высвятлялі – што я раблю на вакзале, хто гэтыя людзі, якіх я сустракаў. Пратакола ніякага не складалі, цягнулі час, потым выпусцілі», - дадаў сустаршыня «МФ».