Пасля акцыі каля Чырвонага касцёла затрыманы два чалавекі
Грамадскі актывіст Максім Вінярскі і яго паплечніца Наталля Гарачка 19 снежня былі затрыманыя каля Чырвонага касцёла ў Мінску пасля акцыі з нагоды трэцяй гадавіны разгону ўдзельнікаў масавага пратэсту, якія выступілі супраць афіцыйных вынікаў прэзідэнцкіх выбараў.
Як паведаміў у сацыяльнай сетцы Facebook актывіст апазіцыі Ілья Дабратвор, затрыманых павезлі ва УУС Маскоўскага раёна. Пазней стала вядома, што Вінярскага адправілі ў Цэнтральнае РУУС, і гэта можа быць звязана з нядаўнім несанкцыянаваным пікетам каля пасольства Украіны ў падтрымку збліжэння краіны з ЕС. Варта заўважыць, што разгляд справы Вінярскага з гэтай нагоды прызначаны на 27 снежня.
Вечарам 19 снежня каля Чырвонага касцёла сабралася прыкладна 25 чалавек, якія запалілі свечкі і прачыталі малітву за палітзняволеных.
