Акцыя супраць адмены льготаў студэнтам прайшла пад сьценамі Міністэрства адукацыі ў Менску

10 траўня пасьля 17-00 каля трох дзясяткаў маладзёвых актывістаў cкінулі зь сябе кашулі і пракрычалі "Падавіцеся вашымі ільготамі!". Пасьля актывісты апранулі байкі з надпісам "За свабоду" ды зьніклі, пакінуўшы сваё адзеньне каля будынка Міністэрства, што па вуліцы Савецкай.

За гэтым незвычайным пікетам назіраў ахоўнік будынку, які адабраў у маладых людзей мэгафон і прыгразіў выклікаць міліцыю. Пад час правядзеньня пікету ніхто затрыманы ня быў.