Зварот арганізацый грамадзянскай супольнасці і грамадскіх актывістаў Беларусі з нагоды сітуацыі ва Украіне

22.01.2014 Тэгі: грамадства, правы чалавека, заявы

https://spring96.org./be/news/68636 2014 2014-01-22T16:50:58+0300 2014-01-22T16:50:58+0300 2014-01-22T16:58:48+0300 be https://spring96.org./files/images/sources/ukraina-1.jpg Праваабарончы цэнтр «ВЯСНА» Праваабарончы цэнтр «ВЯСНА» Праваабарончы цэнтр «ВЯСНА»

Праваабарончы цэнтр «ВЯСНА»

Еўрапейскаму парламенту

Савету Еўрапейскага саюза

Еўрапейскай камісіі

Кангрэсу ЗША

Прэзідэнту ЗША Бараку Абаму

Дзяржсакратару ЗША па пытаннях Еўропы і Еўразіі Вікторыі Нуланд

Прэзідэнту Расіі Уладзіміру Пуціну

Генеральнаму сакратару ААН Пан Гі Муну

Прэзідэнту Украіны Віктару Януковічу

Лідэрам апазыцыйных партый Украіны

Украінскаму народу

Ад арганізацый грамадзянскай супольнасці і грамадскіх актывістаў Беларусі

Зварот

У гэтыя дні, калі сітуацыя ва Украіне выйшла з-пад кантролю супрацьстаячых сіл, калі пачалося кровапраліцце, калі ў Кіеве ідуць вулічныя баі з прымяненнем зброі, мы не можам заставацца ў баку. Украінскі народ - наш братэрскі народ, праблемы якога беларусы добра разумеюць. Супрацьстаянне ва Украіне і яго драматычная развязка, на нашу думку - гэта вынік дзеянняў уладаў, якія ўпарта ігнаруюць патрабаванні свайго народа, цалкам вычарпаўшы ягоны давер, якая прымае абсурдныя законы і няўмольна рухаецца па шляху да ўсталявання дыктатуры ў краіне. На наш погляд, памылкі апазіцыйных палітыкаў і пратэстуючых таксама не спрыялі мірнага вырашэння сітуацыі.

Мы лічым, што кровапраліцце ва Украіне цяпер можна спыніць. Мы перакананыя, што спыненне гвалту і баявых дзеянняў не пагоршыць становішча пратэстуючых і не прывядзе да іх паразы. Бо пратэст моцны не гвалтоўнымі дзеяннямі, а вернасцю сваім прынцыпам, гатоўнасцю вырашаць праблемы і самаарганізацыі, а гэтага, як мы ўжо бачылі, ва ўкраінскага народа не адбярэш!

Мы заклікаем палітыкаў і лідэраў Майдана зрабіць усё, каб узяць сітуацыю пад кантроль і пераканаць мітынгоўцаў спыніць гвалт. Спыненне гвалту не азначае, што пратэстоўцы не змогуць абараняцца і будуць павінны пакінуць свае пазіцыі.

Мы заклікаем паўстанцаў весці перамовы з любымі дамоваздольнымі і дзеяздольнымі суб'ектамі, здольнымі кантраляваць сітуацыю нават на абмежаваных участках - у пэўным прасторы ў тэатры вулічных дзеянняў, у сілавых структурах, у структурах дзяржаўнай улады.

Мы заклікаем народ Украіны не ставіцца да перамоўнага працэсу, да палітычных крокаў, якія сёння яшчэ магчымыя і эфектыўныя, як да «зацягвання часу». Гвалтоўныя дзеянні не прывядуць да хуткага рашэння праблемы, а толькі зробяць сітуацыю непадкантрольнай.

Мы заклікаем сілавыя структуры, улады Украіны пайсці на рэальны дыялог са сваім народам, нават калі патрабаванні народа здаюцца уладам непрымальнымі.

Мы заклікаем сілавікоў, міліцыю, а таксама ангажаваных дзяржавай дзеячаў спыніць пераслед, выкраданні, збіццё пратэстуючых.

Мы заклікаем ўсе бакі, так ці інакш задзейнічаныя ў развіцці палітычнага крызісу ва Украіне, кансалідавацца і ўзяць на сябе міратворчую місію. Мы перакананыя ў тым, што асабістая прысутнасць прадстаўнікоў зацікаўленых у вырашэнні канфлікту краін ААН, міжнародных арганізацый у гэтыя дні ў Кіеве будзе выконваць ролю стрымлівае эскалацыю фактару і дапаможа прадухіліць новыя і масавыя ахвяры.

Згуртаванасць, арганізацыя і паслядоўнасць - гэта гарантаваны заклад сумесных паспяховых дзеянняў!

Таццяна Новікава, ГА «Экадом», Экалагічнае таварыства «Зялёная сетка»

Таццяна Пашавалава, Грамадскае аб'яднанне «Цэнтр сацыяльных інавацыяў»

Іна Жызнеўская, ГА «Экадом»

Святлана Каралёва, грамадскі актывіст

Ігар Рынкевіч, Публічная ўстанова "Ліга развіцця дэмакратыі"

Сяргей Мацкевіч, Асамблея НДА Беларусі

Валадар Цурпанаў, Цэнтр «Грамадзянская прастора»

Іна Кулей, Камітэт “Салідарнасць”

Таццяна Вадалажская, Агенцтва гуманітарных тэхналогій

Улад Вялічка, Міжнародны кансорцыум "ЕўраБеларусь"

Алесь Крот, Моладзевая прафсаюзная група "Студэнцкая Рада"