Сёньня ў 15-00 стане вядомы прысуд па адміністратыўнай справе Аляксея Янукевіча

Усьлед за судом над Валянцінай Палевіковай у судзе Савецкага раёна Менска суддзёй Аксанай Рэлява разглядаецца адміністратыўная справа яшчэ аднаго заяўніка “Чарнобыльскага шляху” , намесніка старшыні Партыі БНФ Аляксея Янукевіча. Янукевіч быў затрыманы сёньня раніцай у сваёй кватэры. Чакаецца, што пастанова судовага рашэньня будзе абвешчана сёньня ў 15 гадзін.

ПЦ "Вясна” нагадвае, што сёньня тым жа судом Савецкага раёну сталіцы была пакарана штрафам у памеры 25 базавых велічыняў актывістка Абя’днанай грамадзянскай партыі Валянціна Палевікова. Трэба чакаць, што і Аляксею Янукевічу пагражае грашовы штраф у вялікім памеры.